भावु तरी भावना | Bhavu Tari Bhavna

ભાવું તારી ભાવના

હે જીનરાજ તારી કરવી છે મારે આરાધના ... ભાવું તારી

તૂટ્યો ફૂટ્યો તંબૂરો લઈને ... તવ મંદિરે આવું

તાલ સૂરની સમજ પડે ના ... તોયે ભાવથી ગાવું

જીવનસંગીતની કરવી છે મારે સાધના . . . ભાવું તારી

અગણિત તારા ગુણની ગરવી કરવી મારે કવિતા

નિત્ય નિરંતર ઘટઘટ વહેતી ... તારી સ્નેહસરિતા

કરું છું સદાયે તારી કરુણાની કામના . . . . ભાવું તારી

જીવન ઉજ્જવળ કરવા કાજે ઝંખું પ્રેમળ જ્યોતિ

જુગજુગથી આ આતમ મારો , તને રહ્યો છે ગોતી

સ્વીકારજે તું મારી અધૂરી ઉપાસના . . . . . ભાવું તારી