आया पर्युषण पर्व महान (जग हर्षाया है) | Aaya Paryushan Parv Mahan (Jag Harshaya Hai)

હે નેમિજિન મારા હૃદયમાં શૌર્યરસ જન્માવજો

રાજીમતી તમને મનાવા નાથ વલવલતી હતી

તો યે તમે સંયમતણા સંકલ્પ થી ડગ્યા નથી

હે સત્વમૂર્તિ સત્વ એ આસત્વહીન ને આપજો

હે નેમિજિન મારા હૃદયમાં શૌર્યરસ જન્માવજો… (૧)

જે સત્વ આરાધી તમે રામતી છોડી ગયા

જે સત્વ સાધી વિષયની સહુ વાસના તોડી ગયા

તે સત્વનું પ્રતિબિંબ મારા જીવનપટ પર પાડજો

હે નેમિજિન મારા હૃદયમાં શૌર્યરસ જન્માવજો.… (૨)

તોરણ સમય પોકાર પશુઓનો સુણી સ્વામી તમે

છોડી બધું પલવારમાં પહોંચી ગયા સહસાવને

મુજમાય એવું ત્યાગ સત્વ હવે પ્રભુ વિકસાવજો

હે નેમિજિન મારા હૃદયમાં શૌર્યરસ જન્માવજો. (૩)

તવ જીવનમાં વિષયો-વિકારો નાથજી એકે નથી

હું શું કહું મારા જીવનમાં એ વિના કશુંયે નથી

વિનવું હવે મુજમાં અનાસક્તિ જ્વલંત જગાવજો

હે નેમિજિન મારા હૃદયમાં શૌર્યરસ જન્માવજો… (૪)

હું ઇન્દ્રિયોના સંગમાં દિનરાત સ્વામી રાચતો

એનો નચાવ્યો નાચ હું ઘેલો બનીને નાચતો

ઇન્દ્રિય વિજયનો ચાંદલો મુજ ભાલ પર ચમકાવજો

હે નેમિજિન મારા હૃદયમાં શૌર્યરસ જન્માવજો… (૫)

જેને બની પરવશ અનંતા જીવ દુર્ગતિ માં પડ્યા

જેને કરી સ્વ-વશ અનંતા જીવ સિદ્ધિશિખર ચઢ્યાં

વશીકરણ કરવા મનતણું કોઈ મંત્ર રૂડો આપજો

હે નેમિજિન મારા હૃદયમાં શૌર્યરસ જન્માવજો.. (૬)

હરિસૈન્ય પર જયારે જરાસંઘે જરાઓ પાથરી

તપ સાધના ત્યારે બતાવીને તમે રક્ષા કરી

મુજનેય મોહજરા સતાવે કો ઉપાય બતાવજો

હે નેમિજિન મારા હૃદયમાં શૌર્યરસ જન્માવજો (૭)

ગોમેધ ને મા અંબિકાને ચરણ સેવા દઈ દીધી

વળી ધાર સજ્જન આદિને પ્રભુ તીર્થ સેવા દઈ દીધી

એવા જ રૂડા અવસરો મુજનેય સ્વામી બાપજો

હે નેમિજિન મારા હૃદયમાં શૌર્યરસ જન્માવજો. (૮)