Stavan
Stavan

Search

Tithi

Temples Temples

Parshva jinanda (Darwaja Tera Khol Khol Re)

पार्श्व जिणंदा (दरवाजा तेरा खोल खोल रे) | Parshva jinanda (Darwaja Tera Khol Khol Re)

Manali Sankhala

Stotra

Play Now

Lyrics of Parshva jinanda (Darwaja Tera Khol Khol Re) by Stavan.co

शान्तिं शान्ति-निशान्तं,

शान्तं शान्ता-शिवं नमस्कृत्य

स्तोतुः शान्ति-निमित्तं,

मन्त्र-पदैः शान्तये स्तौमि......1


ओमिति निश्चित-वचसे,

नमो नमो भगवतेर्हते पूजाम्

शान्ति-जिनाय जयवते,

यशस्विने स्वामिने दमिनाम्....... .2


सकलातिशेषक-महा-संपत्ति-समन्विताय शस्याय.

त्रैलोक्य-पूजिताय च,

नमो नमः शान्ति-देवाय.....3


सर्वामर-सुसमूह-स्वामिक-संपूजिताय न जिताय.

भुवन-जन-पालनोद्यत-तमाय

सततं नमस्तस्मै.....4


सर्व-दुरितौघ-नाशन-कराय

सर्वाशिव-प्रशमनाय

दुष्ट ग्रह-भूत-पिशाच-शाकिनीनां प्रमथनाय.............5


यस्येति नाम-मन्त्र-प्रधान-वाक्योपयोग-कृत-तोषा.

विजया कुरुते जन-हित-मिति च नुता नमत तं शान्तिम्.......6


भवतु नमस्ते भगवति!,

विजये! सुजये! परा-परैरजिते!.

अपराजिते! जगत्यां,

जयतीति जयावहे! भवति......7


सर्वस्यापि च संघस्य,

भद्र-कल्याण-मंगल-प्रददे!.

साधूनां च सदा शिव-सुतुष्टि-पुष्टि-प्रदे! जीयाः ......8


भव्यानां कृत-सिद्धे!,

निर्वृति-निर्वाण-जननि! सत्त्वानाम्.

अभय-प्रदान-निरते!,

नमोस्तु स्वस्ति-प्रदे! तुभ्यम्..... .9


भक्तानां जन्तूनां, शुभावहे! नित्यमुद्यते! देवि!.

सम्यग्-दृष्टीनां

धृति-रति-मति-बुद्धि-प्रदानाय......10


जिन-शासन-निरतानां,

शान्ति-नतानां च जगति जनतानाम्.

श्री-संपत्कीर्ति-यशो-वर्द्धनि!,

जय देवि! विजयस्व......11


सलिला-नल-विष-विषधर-दुष्ट-ग्रह-राज-रोग-रण-भयतः.

राक्षस-रिपु-गण-मारि-चौरेति-श्वापदा-दिभ्यः.....12


अथ रक्ष रक्ष सुशिवं,

कुरु कुरु शान्तिं च कुरु कुरु सदेति

तुष्टिं कुरु कुरु पुष्टिं,

कुरु कुरु स्वस्तिं च कुरु कुरु त्वम्..13


भगवति! गुणवति! शिव-शान्ति-

तुष्टि-पुष्टि-स्वस्तीह कुरु कुरु जनानाम्.

ओमिति नमो नमो ह्राँ ह्रीँ ह्रूँ ह्रः,

यः क्षः ह्रीँ फट् फट् स्वाहा.......14


एवं-यन्नामाक्षर-पुरस्सरं, संस्तुता जया-देवी.

कुरुते शान्तिं नमतां,

नमो नमः शान्तये तस्मै........15


इति पूर्व-सूरि-दर्शित-मन्त्र-पद-विदर्भितः स्तवः शान्तेः.

सलिलादि-भय-विनाशी,

शान्त्यादि-करश्च भक्तिमताम्.....16


यश्चैनं पठति सदा,

शृणोति भावयति वा यथा-योगम्

स हि शान्ति-पदं यायात्,

सूरिः श्री-मान-देवश्च.....17


उपसर्गाः क्षयं यान्ति, छिद्यन्ते विघ्न-वल्लयः

मनः प्रसन्नतामेति, पूज्यमाने जिनेश्वरे...18


सर्व-मंगल-मांगल्यं, सर्व-कल्याण-कारणम्

प्रधानं सर्व-धर्माणां, जैनं जयति शासनम् 19

© Bhakti Mala

Listen to Parshva jinanda (Darwaja Tera Khol Khol Re) now!

Over 10k people are enjoying background music and other features offered by Stavan. Try them now!

Similar Songs
No suggestions available
Central Circle

Jain Choghadiya Today - शुभ समय देखें

जानें हर दिन के शुभ-अशुभ मुहूर्त और चोगड़िया के आधार पर सही समय का चुनाव करें। धार्मिक कार्य, यात्रा, और महत्वपूर्ण निर्णयों के लिए जानें कौनसा समय सबसे अनुकूल है।