कुशल दादा गुरुदेव | Malpura Ke Sardaar

પ્રભુ માંગુ તારી પાસ,

મારી પૂરી કરજો આશ,

માંગી માંગીને માંગુ એટલું,

મારી છેલ્લી રે ઘડી સુધારશો

ગુરુદેવ પાસે હોય,

અને સંથારો લેવાય,

બધા જીવોને ખમાવી લેવાય રે

મારી છેલ્લી રે…

સાચી આલોયણા રે થાય,

ભાવે પ્રતિક્રમણ થાય,

બધા દોષોનું પ્રાયશ્ચિત લેવાય રે

મારી છેલ્લી રે…

નહીં સેવાઓ લેવાય,

જાતે જાતે કામ કરાય,

નહીં ઈન્દ્રિયોની શક્તિ હણાય રે

મારી છેલ્લી રે…

નહીં શાતામાં હરખાય,

વેદનામાં નહીં પીડાય,

નહીં પરભવ નિયાણું બંધાય રે

મારી છેલ્લી રે…

જો અવધિજ્ઞાન થાય,

સ્વગૅ – નરક દેખાય,

નહીં ભય કે આશા જરાય રે

મારી છેલ્લી રે…

છેલ્લે ભાન ન ભૂલાય,

છેલ્લે જ્ઞાન ન વિસરાય,

ત્યારે શ્રદ્ધાનો રંગ નવી જાય રે

મારી છેલ્લી રે…

છેલ્લે લેશ્યા ન બદલાય,

પરિણામો ન પલટાય,

છેલ્લે શુભ રહે અધ્યવસાય રે

મારી છેલ્લી રે…

પારસ મનમાં એવું થાય,

એવા સમયે દેવ થવાય,

નહીં કોઈને થાય અંતરાય રે

મારી છેલ્લી રે…