(नवकार) वो तो नवकार है | Navkar (Wo To Navkar Hai)

Kaale Ghane Andheron Mein,

Vo Jalti Jwala Hai

Kalyug Ki Dharti Pe Wo,

Amrit Ka Pyala Hai

Jeevan Aadhar Hai,

Adharm Ka Samhaar Hai,

Rag Rag Mein Daudta,

Wo to Navkar Hai

Sarara Sarara Tez Hawayein,

Ghanan Ghanan Ghan Kaare Badra,

Bhor Ka Pehla Taara Hai Wo,

Srishti Ka Saar Hai...

Nadiyaan Ki Dhaar Hai,

Veena Ka Taar Hai

Rag Rag Mein Daudta,

Wo to Navkar Hai

Charam Chamakti Dhoop Sa,

Mridang Ki Ik Goonj Sa,

Jaino Ka Maan Hai,

Wo to Navkar Hai

Jiske Aage Poonam Chanda,

Phool Sugdhandit Kesar Varsha,

Suraj Taare Sab Phike Hain,

Sab Phike Hain...

Arihant Siddh Sab Sheesh Jhukhayein,

Rank Se Raja Yahi Banaye,

Sheelaon Pe Iske Pad,

Ab Bhi Likhe Hain

Maanav Ki Khoj Nahi,

Ye to Chamatkaar Hai,

Rag Rag Mein Daudta,

Wo to Navkar Hai

Namo Arihantanam

Namo Siddhanam

Namo Aayariyanam

Namo Uvajjhayanam

Namo Loye Savva Sahunam

Arihanton Ko... Namaskar,

Shree Siddhon Ko... Namaskar,

Acharyon Ko... Namaskar,

Upadhyayon Ko... Namaskar

Jag Me Jitne Sadhugan Hain,

Un Sabko Vandan Bar Bar,

Arihanton Ko... Namaskar...